Gjatë ditës së sotme janë larguar dy zv. ministre nga detyra. Ato janë zv.ministrja e Brendshme Rovena Voda dhe zvministrja e Infrastrukturës dhe Energjisë, Dorina Çinarin. Largimi i tyre është dokumentuar edhe në fletoren e VKM-ve ditën e sotme me vendim të kryeministrit Edi Rama.
Kurse Fjoralba Caka, zëvendës ministrja e Drejtësisë, ka paraqitur dorëheqjen. Me anë të një njoftimi në Facebook ajo thotë se vendimi nuk ka të bëje për kushtet e punës, por është tërësisht personal.
Akoma nuk dihen shkaqet e largimit të tyre nga pozicioni që mbanin.
Kujtojmë që Voda është emëruar në pozicionin e zv. ministres së Brendshme që prej 22 majit të vitit 2017 dhe ka marrë pjesë në shumë takime e konferenca ndërkombëtare, si dhe ka kryer një sërë kualifikimesh e trajnimesh.
