Gabby Sarusi, një shkencëtar izraelit ka zbuluar një test të shpejtë për koronavirusin që jep rezultatin vetëm në 20 sekonda, raportojnë mediat izraelite.

 

Në një deklaratë të Universitetit Ben Gurion në Izrael, thuhet se kjo pajisje testimi fillimisht duhet të miratohet, një proces që zgjat dy deri në tre muaj.

 

Mendohet se një pajisje e tillë mund të kryejë deri në 4500 teste në ditë, ndërsa prodhimi i testitmund të fillojë në shtator ose tetor.

 

“Pajisja kryesore do të kushtojë rreth 400,000 dollarë, dhe secili test 40 deri 50 dollarë”, thotë profesori Sarusi.

 

Deri më tani, testi ka treguar një saktësi prej 90 për qind dhe është provuar në një mostër prej 120 izraelitësh, nga të cilët 45% ishin të infektuar me koronavirus dhe 55% të shëndetshëm.