Shlyerja e borxhit prej 10 milionë lekësh në bankë i riktheu buzëqeshjen zonjës Omeri. Elvisi i tha punonjëses së bankës të përcaktonte motivacionin e transfertës së parave. “Ne kemi ardhur sot për të bërë një transfertë nga numri i llogarisë i fondacionit “Firdeus” në numrin e llogarisë së zonjës Omeri. Motivacioni të përcaktohet: larja e borxheve”, -thotë Elvisi.

 

Më të shlyer borxhin Elvisi, Fatma dhe gruaja Selvia shkojnë në banesë në fshatin Stroskë ku i presin fëmijët tek porta e shtëpisë. Më të parë Elvisin dhe Fatmën ata emocionohen. Fëmijët i tregojnë Elvisit si mbledhin kërmij herët në mëngjes. Punën e nisin në orën 04.30 të mëngjesit. Një kilogram kërmij i marrin 50 ose 60 lekë të vjetra. Elvisi habitet kur i dëgjon. “Punojmë me shpejtësi një orë dhe pastaj nxitojmë të kapim shkollën” -thotë vajza

 

Fatma bën një llogaritje të shpejtë, fëmijëve u duhet të mbledhin 70 kilogram kërmij për të blerë vetëm një thes me miell. “Unë vajzën Asjan e kam vetëm dy vjet më të vogël sesa ti, imagjino Asjan të mbledhë kërmij”,- thotë Fatma e prekur nga historia e Klaudios, Kristinës dhe Elizabetës. “Do u japim fëmijëve një lajm të mirë, nuk ju ka hije që të zgjoheni aq herët dhe të mblidhni kërmij e pastaj të shkoni në shkollë. Çdo muaj do të keni një pension 500 mijë lekë të vjetra. Me kaq para besoj që është shumë më shumë se ajo që mbledhin fëmijët dhe ju lehtëson. Është i garantuar ky pension. Ne do na keni gjithmonë pranë jush. Fëmijët mos të mërziten. Ju nuk duhet të keni më nevojë të dilni. Ju jetoni në botën tuaj të bukur fëminore”,-u tha Elvisi fëmijëve dhe nënës së tyre.

Por një tjetër surprizë është rezervuar për fëmijët. Shtëpia e tyre e vjetër ka ndryshuar krejtësisht, Tashmë ajo është rikonstruktuar dhe e mobiluar. Hyrja në banesën e re plot dritë dhe të mobiluar i emocionoi fëmijët. Elvisi duke biseduar me Selvien e fton që të mjekohet në spitalin Continental pasi kjo e fundit i tha se nuk ndihej mirë.

 

“Eja në Tiranë dhe do të shkojmë tek spitali Continental, ky spital është blerë nga fondacioni “Firdeus” normalisht është me pagesë, por kemi edhe raste të veçanta, si rastet e emisionit, ti do vish ti bësh analizat pa pagesë. Duam ta konstatojmë. Ti nuk duhet të jesh e sëmurë ke tre fëmijë. Nesër eja dhe shkojmë kryejmë vizitat. Besoj çdo gjë rregullohet”, -i tha Elvisi nënës së tre fëmijëve. “Falenderoj gjithë shqiptarët shumë, ju kam si babain tim”, i tha Kristina Elvisit.“Ju përqafoj shumë të gjithëve, nuk e kisha ëndërruar kurrë këtë shtëpi” thotë Elizabeta.