Kreu i ekzekutivit, Edi Rama, në një komunikim në Facebook pasditen e sotme, pasi bëri të ditur disa prej masave lehtësuese që pritet të vihen shumë shpejt në zbatim, iu përgjigj edhe aludimeve për shkurtim pagash dhe pensionesh. Lajmi që qarkulloi në portale një ditë më parë, nuk është zyrtar, tha Kryeministri.

Rama është përgjigjur duke thënë se nuk do të ketë shkurtim pagash dhe ulje pensionesh, madje shtoi se, nëse do të ketë prekje, ajo do të jetë vetëm për t’i rritur.

“Nuk ka ulje pensionesh dhe as pagash, nëse dikush ka një ide, e thotë, por ka disa që nuk e kanë të lidhur prizën mes trurit dhe gjuhës… por sa i përket qëndrimit zyrtar, kurrë nuk ka pasur dhe nuk do të ketë prekje të pensioneve apo pagave, përkundrazi nëse do të ketë, do të preken vetëm për t’u rritur”.