Kreu i PD, Lulzim Basha ka publikuar një video ku qytetarët tregojnë mungesën e ndihmës dhe braktisjen nga shteti.
Basha thotë se çdo ditë që kalon, për ta është një ditë pa bukë.
Sipas kryedemokratit duhet një plan i mirëmenduar mbështetjeje për të gjithë familjet shqiptare sipas nevojës dhe kushteve të secilit.
“Pagesa e mbijetesës për këdo që ka humbur punën nuk mund të vonohet më asnjë ditë!
Qeveria e ka për detyrë kushtetuese dhe ligjore të garantojë shëndetin dhe jetesën e çdo shqiptari. I bëj edhe një herë thirrje të shpërndajë pa asnjë vonesë fondet e ndihmës ekonomike dhe të rrisë buxhetin për emergjencën! Koha është TANI!”, shkruan Basha.