Këngëtarja e njohur shqiptare Ingrit Gjoni, ka vendosur që së bashku me familjen e saj të vetëizolohet në vilën e saj në Gjirin e Lalëzit. Duke qenë shumë e ndjekur nga fansat, Ingriti është shumë aktive në rrjetet sociale ku poston video nga përditshmëria. Së fundi një video ku shfaqet së bashku me djalin e saj ka irrituar ndjekësit e saj që nuk i kanë kursyer komentet negative drejt saj.
Në pamje duket që ajo po argëtohet me të birin dhe një prej ndjekësve ka shkruajtur që nuk është koha për postime të tilla në një kohë ku njerëzit nuk kanë bukë të hanë.
“Marre s’të vjen…njerëzit vdesin për bukën e gojës në këto kohë të vështira e ti këtu reklamon grillin dhe kushtet e tua të jetesës që në vend t’i ndihmosh të varfrit dhe ata janë të uritur, kurse ti i urit edhe më shumë. Je një shembull i keq ti, turp të qoftë”, shkruan një komentues.
Këngëtarja i është përgjigjur ndërkohë, si më poshtë: “Po kur reklamon purot dhe ti me atë surat të shtrembur, mos pyt më që mot të reklamoj unë, injorant.”
