Kosovarja Kristiana Kuqi ka marrë vëmendjen e madhe në rrjetet sociale muaj më parë me postime që kishin filluar të merrnin shumë pëlqime.

 

Vajza nga Kosova postonte fotografi, duke u puthur me meshkuj që nuk i njihte, por këtë e bënte vetëm për të pasur fotografi e momente interesante në Instagram e rrejete të tjera sociale. Kudo ku ajo kishte shkuar, Paris, Romë e qytete të tjera kishte puthur meshkuj në rrugë.

 

Tani ajo po vazhdon të ketë vemendjen e emisioneve të ndryshme televizive në Amerikë. Së fundi ajo është ftuar në shoun e komedianit të njohur Steve Harvey.

 

Kristiana ka folur se ajo vjen nga Kosova, një vend që doli nga lufta dhe ka rrefyer se pse kishte vendosur të bënte fotografi të tilla. Thotë se ajo dëshironte të shijonte momentet në vende të ndryshme dhe t’u tregonte para njerëzve se gjoja po kënaqej.

 

Kristiana thotë se është goxha punë e madhe t’i afrohesh një mashkulli, t’i kërkosh një puthje dhe pastaj t’i thuash “largou tani”.

 

Thotë se e nisi në Paris, gjatë një vizite me shoqëri. Sipas saj, shumë vajza të tjera e kanë provuar atë që kjo ka bërë, si një shenjë për të treguar lirinë dhe të mos paragjykohen nga cka bëjnë.

 

Kristiana, e cila sipas të dhënave në profilin e saj, është studente e diplomuar në një kolegj në Amerikë, në bazë të postimeve të saj është një vajzë që ka udhëtuar shumë dhe ka njohur kultura të ndryshme.