Pavarësisht denoncimeve të PD për vjedhje të votave, Sekretari i Përgjithshëm, Gazment Bardhi shprehet se asnjë zyrtar i Partisë Socialiste nuk është futur në qeli.
Në një intervistë për gazetarin e “Panorama”, Mariglen Kume, ai thotë se është e nevojshme të ndëshkohen krimet elektorale, duke vënë theksin tek kryetari i bashkisë në Has, i cili sipas tij duhet të ishte në qeli.
Gazment Bardhi tha se Prokuroria mbylli çështjen me arsyetimin se nuk dëgjohet mirë zëri i personit në video, por shprehet se kryetari i bashkisë Has është kapur me zë dhe figurë duke blerë vota.
Bardhi paralajmëroi se janë edhe 10 zyrtarë të tjerë të PS nën hetim nga Partia Demokratike, ndërsa shtoi se qeveria po po ndjek strategji për t’i mbajtur në detyrë.