Një e mitur 7-vjeçare me origjinë shqiptarë ka ndërruar jetë si pasojë e flakëve që pushtuan banesën e saj. Ngjarja ka ndodhur rreth orës 2:30 të mëngjesit kur e mitura ndodhej në banesë bashkë me nënën dhe motrën e saj të vogël.
Sipas mediave italiane, ka qënë nëna ajo që ka ndjerë e para erën e tymit dhe ka nxituar për të nxjerrë jashtë vajzën e vogël por nuk ka mundur që të hyjë sërish për të shpëtuar edhe tjetrën. Kryefamiljari ndodhej në punën në momentin kur shtëpia e tij u përfshi nga flakët duke shpëtuar pa pasoja.
Nëna dhe vajza e vogël e familjës aktualisht janë shtruar në spital ku edhe ndodhen jashtë rrezikut për jetën. Familja ishte me origjinë nga Kosova dhe ishte transferuar në provincën e Serviglianos në shtator. Kryefamiljari, 40 vjeç është punëtor në një firmë ndërtimi, ndërsa bashkëshortja e tij është shtëpiake.
(k.m/dosja.al)