Reperi Stresi konkurroi në ‘Festivalin e Këngës’ në bashkëpunim me këngëtaren e njohur Eli Fara, me këngën e titulluar ‘Bohem’.

Dyshja nuk u përzgjodh për në natën finale dhe ditën e djeshme përmes një statusi, reperi shprehej se fitorja më e madhe ishte dashuria e publikut dhe se ata ishin artistë në shpirt.

Po ashtu ai iu uroi suksese finalistëve duke u shprehur se e kishin të merituar. Mirëpo kjo nuk është e gjitha. Stresi ka reaguar sërish, dhe këtë herë i revoltuar.

“Mirëmëngjesi nga Stresi! Vetëm televizion shqiptar nuk jeni. Keni kompozitor të huaj në Festivalin tonë Kombëtar? Si mund të shkojë në “Eurovision” një kompozitor i huaj dhe të përfaqësojë Shqipërinë? Unë e mora vesh arsyen pse nuk isha në finale, sepse bindja politike e imja nuk bashkohet me bindjen tuaj.

Per.versë ja kush jeni ju, ta dinë të gjithë që kapeni me një ar.mik publik të rilindjes por s’po kapeshit nga ana muzikore. Do ju vijë dita dhe juve dhe s’ka me pas më inate të tilla”, ka shkruar ai në një postim të bërë në Instagram, të ruajtur nga “Iconstyle”, pasi më pas reperi duket ështëpenduar dhe e ka fshirë.