Kafja e madhe, katedralja e Shkodrës, xhamia e Parrucës, Prefektura, numri më i madh i ndërtesave më të bukura të shëtitores kryesore në qytetin verior, shtëpitë e familjeve të mëdha, janë të gjitha vepra të realizuara nga Kol Idromeno, arkitekt!
Fytyrën e sotme të zonjës Shkodër e ka “pikturuar” vetë ai me kujdesin më të madh, për detajet, fetë, estetikën, urbanistikën. Godinat e tij janë në sintoni me njëra-tjetrës. Ka një harmoni të përkryer, ashtu siç të gjitha penelatat i bashkohen njëra-tjetrës për të dhënë në fund të njëjtën pikturë. Qyteti i kulturës
mban ende sot imazhin që i dha Idromeno, “babai” i “Motrës Tone”!
Dora e tij është ende sot e gjallë dhe është në fakt, zona më e vlertë e Shkodrës, zona me të cilën qyteti identifikohet e paskësaj krenohet.
