“Mjaft o mjaft se na hapët barkun”, Fuga shpërthen ndaj inxhinierëve dhe sizmologëve

Mes ironisë dhe sarkazmës, profesori dhe akademiku i njohur, Artan Fuga, ka komentuar situatën pas tërmetit të fuqishëm të 26 nëntorit.

 

Kësaj here, Fuga ka “shënjestruar” deklaratat e sizmologëve dhe inxhinierëve. Sipas Fugës, inxhinierët dhe sizmologët në vend të shpjegimeve sizmologjike po japin në media shpjegime mitologjike, pa asnjë provë, observim apo argument.

 

I revoltuar, Fuga shkruan ndër të tjera:

Mjaft o mjaft se na u hap barku! Në keni shpjegime shkencore thuajini, nëse nuk keni, rrini mo pa folur se nuk ua kërkon njeri pa i ditur t’i shpikni! Nuk e pret këtë njeri nga ju!”
Reagimi i plotë:

 

Rroftë qeni!

——————

Të gjithë dëshirojmë shumë që njerëzit e dëmtuar të jenë në vend të sigurt, dëmet të riparohen sa më shpejt dhe urojmë që kurrë mos përsëriten të tilla drama kombëtare!

Ndërkohë njeriu nuk ka si të mos dojë të dijë se përse u shkaktua ky tërmet, në një zonë kaq të ngushtë me kaq shumë lëkundje, kaq i rëndë, me një vazhdimësi kaq të zgjatur?

 

Mirë na thonë që tërmeti nuk parashikohet, por pasi ndodh, a mund të dihen shkaqet konkrete se përse ndodhi?

Mbase po, mbase jo! Nuk e di sepse nuk e njoh fare këtë shkencë.

Por nuk kam si të mos pyes: Po tru kanë disa që na japin shpjegime gati ideologjike? Që në vend të shpjegimeve sizmologjike na japin shpjegime mitologjike.

Pa asnjë provë!

Pa asnjë observim!

Pa asnjë argument!

 

Dhe në vend të këtyre na venë titullin “inxhinjer”, kështu e ashtu!

Po kthehemi në kohën përpara Bekonit ku autoriteti, statusi, i dikujt ishte prova dhe argumenti që ato që ai thoshte duhej të merreshin si të vërteta.

Unë jam Biri i Zotit!
Unë jam Mesia!
Unë jam Skënderbeu!
Unë jam Don Kishoti i Sanço Pançes!

Mjaft o mjaft se na u hap barku! Në keni shpjegime shkencore thuajini, nëse nuk keni, rrini mo pa folur se nuk ua kërkon njeri pa i ditur t’i shpikni! Nuk e pret këtë njeri nga ju!

Institutet rrinë.
Qendrat shkencore heshtin!
Akademia nuk ndihet!
Mendimi nxin!

 

Dashke shpjegime ti?

Dikush na thotë që pllaka afrikane dhe pllaka europiane që nis andej nga Turqia, kalon në Shqipëri e mbaron në Itali e Spanjë u fërkokan, i hypkan njera tjetrës dhe ja, prandaj tërmeti i 26 nëntorit!

Mirë pllakat që u fërkokan, por këtu nën Hamallaj a poshtë Kurbinit e gjetën të shfryjnë, e gjetën t’i hypin njera tjetrës?!!!

Cfarë shpjegim leshi është ky?

Unë pyes se përse në këto tridhjet km katrorë ka pasur lëkundje kaq të mëdha, ai më thotë jo Afrika, jo Spanja, jo Turqia!!!

Turqia i hypên Europës dhe Europa i hypën Afrikës përsipër!

Eshtë si t’i them se përse më zuri gripi, dhe dikush të më thotë se gripi ka ardhur nga Madakaskari!!!

 

Unë kërkoj konkreten, ai na flet për universalen!!! Ngrehu nga varri Aristotel. Mirë sizmikën që e qajmë, por bazat e llogjikës i dimë apo jo?

Cfarë sizmologjike? Logjiken shkurt fare a e kemi?

Merr frymë toka – thotë dikush tjetër shkencëtar – letrar!

O po mirë, një njëmijë vjet më parë shpjegohej tërmeti me atë që toka ishte mbi kurrizin e një breshke dhe sa herë breshka krruante kurrizin, toka dridhej dhe shkaktoheshin tërmetet.

Ne kërkojmë sizmologji, ai na bën letërsi!

Llafollogji!

Po rri ore rri!

 

Se ka tre goditje thonë këta shkencëtarrucat. Një, dy, treeeee

O pika që nuk na bieeee!

Mirë i tha njeri: Ore po këtu ka pasur qindra lëkundjeeeee!

Dhe shkencëtari që shpjegon gjithçka u përgjit : Tre lëkundje qe ndjen opinioni publik!

Këtu thashë : Më ra tavani në kokë pa tërmet!

Ku e di tërmeti se çfarë ndjejmë ne njerëzit!

Tre herë!!! Cili tërmet? Pse tre dhe jo dy!

 

Mirë sizmikë nuk kemi si duket, përqasje sizmologjike nuk kemi, po logjikë a nuk kemi të drejtë të kemi!

Se pastaj na ndodh si ai shkencëtari tjetër që na tha se nuk e matëm dot sa zgjati tërmeti se na u fikën dritat në observator!!!

Aman bre po as një gjenerator nga ato të kafeneve nuk keni patur?

Hajde pastaj mos puth qenin!

Hajde pastaj mos dekoro qenin!

Hajde pastaj mos bërtit : Rroftë qeni!

Qeni ka më shumë dije, më shumë logjikë, më shumë informacion se ne . Nuhatje as nuk diskutohet! Ndofta edhe ndershmëri!

Shperndaje ketë postim:

spot_imgspot_img

- PUBLICITET -

Aktualitet

Te tjera
LAJME

Kalaja e Shkodrës, më shumë vizitorë se Butrinti

Viti i fundit rezultoi të jetë një periudhë shumë...

Dy shenjat e horoskopit që do t’i kthejnë gjërat ashtu siç duan ata

Me Hënën te Peshqit dita fillon e qetë dhe...