Imami Elvis Naçi mbështeti idenë e kryeministrit Edi Rama që çdo lëvizje nga fondet e mbledhura për njerëzit e prekur nga tërmeti do të bëhet transparente.
Naçi nuk ka qenë dakord me idenë e dhënë nga biznesmeni Artan Dulaku i cili tha se zgjidhja më e shpejtë do të ishte që këto familje të akomodohen në banesat të cilat ndërtuesit i kanë dhe janë aktualisht bosh.
Dulaku tha se në Tiranë ekzstojnë rreth 2000 banesa të tilla ndërsa në Durrës rreth 2500.
Imami Naçi u shfaq i prerë se nëse kjo fjalë dhe të tjerat dhënë në tavolinën e Komitetit Kombëtar të Rindërtimit nuk do të mbahen, ai dhe gazetari Marin Mema do të largohen nga ajo tavolinë.
“Shqipëria ka ardhur koha të krijojë disa standarte. Nuk jemi Zvicra dhe as Gjermania. Duam ti mësojmë atyre që edhe qindra mijëra miliona euro që thamë, do ti bëjmë transparente deri në një.
Ai që do na japi shtëpinë do të na ulë çmimin. Zotit Rama po ia them këtu, o do të bëhet diçka siç duhet ose unë me Marinin në tavolinat e tjera nuk do të jemi këtu. Do të dalim veç me fondacione të vogla, por jo të bëhet si tek tezgat. Nëse do bëhet si tek tezgat, më mirë pak dhe faqebardhë”, tha Imami Elvis Naçi.
