Një tifoz anglez ka mbetur i mrekulluar nga gjesti i një djali nga Kosova pasi i kishte humbur portofoli në rrugën kryesore të Prishtinës.

 

Ai ka shkruar në rrjetet sociale se brenda portofolit kishte 600 euro si dhe karta krediti e dokumente të tjera, ndërsa nuk kishte kaluar shumë kohë dhe tifozit anglez i ishte kthyer kuleta me të gjitha gjërat dhe paratë që kishte aty nga një kosovar.

 

“Më ra kuleta në rrugën kryesore në Prishtinë. Një djalosh hyn në lokal dhe ma ktheu, pa më marrë asgjë. Sinqerisht, Kosova është e madhe”, shkroi tifozi Simon Bruce.

 

Tifozët anglezë kanë mbetur të befasuar nga pritja që iu bë në Prishtinë për përballjen që Kosova zhvilloi ndaj Anglisë në stadiumin “Fadil Vokrri” dy ditë më parë.