Humoristi Julian Deda, që përveç humorit, merret edhe me politikë si militant dhe anëtar i Partisë Demokratike, ka sulmuar gazetaren Mira Kazhani, pas një shkrimi të kësaj të fundit, pse protesta e “Astirit” nuk ngjiti.
Pa përdorur asnjë argument, Deda i ka kujtuar Kazhanit se nuk ka burrë, a thua ky është ndonjë mëkat, për të cilin gazetarja duhet të ndjehet keq. “Kesaj gazetaruces populiste, qe protesta e banoreve te Astirit i duket deshtim, gjejini nje burre te qetesohet, se gjynah..”, shkruan ai.
Mira Kazhani nga ana tjetër, i është përgjigjur shkurt: “I dashur Juli. Është e vërtetë që nuk kam akoma një burrë. Me sa shoh as gruaja jote nuk ka”.