Vogëlushi Alvin Berisha mbërriti sot në Romë dhe rreth orës 17:30 u nis për në shtëpinë e tij në qytezën e Barzago në provincën e Lecco në veri të Italisë.
Ai sëbashku me babain e tij mbërritën vonë, por siç duket edhe në foto, mbetën të surprizuar nga pritja që i kishin rezervuar banorët e lagjes.
“Mirëserdhe kampion” shkruhej në një banderolë që ishte varur në ballkonin e pallatit që prej mëngjesit të ditës së sotme.
Nëna e të miturit u vra gjatë luftimeve në Siri, ndërsa Alvin përfundoi në kampin e refugjatëve të Al Hol në verilindje të Sirisë, aty ku gjend fillimisht nga emisioni “Le Iene”.
11-vjeçari është nxjerrë pak ditë më parë nga kampi, ndërsa ditën e djeshme u publikua lajmi për lirimin tij.
