Këngëtarja shumë e dashur për publikun, Rovena Dilo ishte e ftuar mbrëmjen e djeshme në “Zonë e lirë” për të promovuar këngën e saj më të re “Cinderella”, në bashkëpunim me HitMan dhe Rolla. Me këtë këngë Rovena do konkurrojë këtë vit në spektaklin “Kënga Magjike”.
Gjatë emisionit, këngëtarja kujtoi një rast kur ishte e ftuar në “Zonë e lirë” dhe Çani do i bënte një pyetësor, por ajo kishte refuzuar.
Tani Rovena është penduar për këtë pyetësor dhe u shpreh se asokohe ishte kokëfortë.
“Unë ty të kisha shok, atëherë isha shumë kokëforte, më bëje pyetësore shumë të bukura. Ishte një pyetësor kot më kot atëherë, unë isha kokëfortë, por duhet ta kishim bërë atë pyetësor, u pendova kur ika”, u shpreh Rovena.
