Pamjet e një mësuesi fiskulture, trajner i ekipit të futbollit të një shkolle të mesme në SHBA, që shihet duke u përqafuar me një nxënës 19-vjeçar pak pasi i kishte marrë një armë nga dora, kanë pushtuar mediat.

Teksa përqafohet me nxënësin, i cili është i ngarkuar emocionalisht, në dorën tjetër mësuesi mban armën, të cilin ia merr një anëtar i stafit.

Gjithashtu në video shihen nxënësit duke dalë të tmerruar nga klasat dhe me sa lehtësi 19-vjeçari fut armën fshehurazi në ambjentet e shkollës.

Autoritetet zbuluan se i riu vuante nga një krizë emocionale. Ai u dënua për armëmbajtje pa leje në publik me tre vite shërbim prove.