Një histori e çuditshme ka ndodhur mes dy shqiptarëve në Fushë Kosovë. Siç mësohet, njëri prej tyre ka detyruar tjetrin t’i japë 2 mijë euro.

Nuk bëhet fjalë për dhurim me dëshirë, apo për borxh, por kanosje për marrjen e parave. Kjo pasi burri që kërkonte paratë, pretendonte se tjetri i kishte ngacmuar të shoqen.

Një situatë kjo që ka detyruar të dëmtuarin, t’i drejtohet policisë për të denoncuar rastin.

Në njoftimin e policisë, sipa mediave të Kosovës, shkruhet:

“Me 10.10.2019 nga ankuesi mashkull K/Shqiptar është raportuar se i dyshuari mashkull K/Shqiptar e ka detyruar viktimën t’ia japë 2000 euro si kompensim, pasi i njëjti kinse kishte ngacmuar bashkëshorten e tij. I dyshuari është arrestuar dhe me urdhër të prokurorit është dërguar në mbajtje”.