Dy ditë më parë reperi i njohur, Gjiko martoi vëllain e tij me një dasmë madhështore ku ishin të ftuar shumë personazhe të njohur.
Vëllai i tij, Arbëri, i njohur si BigBangBeats, është producenti i njohur i studios muzikore RedBox Entertainment në Kosovë.
Ndërkohë, kjo ka qenë një natë mjaft e gëzueshme për Gjikon, i cili vazhdimisht ka postuar video duke kërcyer e kënduar. Shumicën e kohës ai është parë në shoqërinë e bashkëshortes së tij, Elitës.
Megjithatë, gjatë kësaj nate Gjiko ka vendosur të shfaqë gëzimin edhe me një gjest të ndaluar.
Reperi së bahsku me një të afërm të tij janë filmuar duke gjuajtur me pistoletë në ajër.
E pikërisht me këtë video që reperi e ka postuar vetë, ai ka zgjedhur të urojë vëllain dhe kunatën. Kjo është një traditë e hershme e dasmave shqiptare, ndonëse është e ndaluar me ligj pasi shumë festa janë kthyer në tragjedi.