Këngëtarja, Rozana Radi në një intervistë për “Glamour” në Ora Neës, ka rrëfyer arsyen që e detyroi të hiqte dorë nga koncertet. Sipas këngëtares ishin fansat e zjarrtë ata që e çuan të tërhiqej nga koncertet.

Rozana ka rrëfyer episodin vendimarrës pas një situatë, që i krijoi një ndjenjë paniku.

“Një ndër arsyet që e kam ndërprerë muzikën dhe nuk shkoj më nëpër koncerte është dhe arsyeja e fansaven dhe kjo është e vërtetë. Unë e kam lënë pas një koncerti në Vlorë, në të cilën ishin mbledhur disa fansa të mi. Pasi bëra foto, ndejta me to, i përshëndeta u nisa drejt Tiranës dhe e kisha të pamundur sepse filluan të më gjëmonin mbrapa me makinë dhe kjo gjë më krijoi një si tip paniku.

Sepse unë e mbaj m,end atë natë, në koncert kemi qenë tre vajza. Ishin dy shoqet e mia që më shoqëronin dhe unë, e u bë pak e tepërt, krijoi panik gjëja. Kjo më ka krijuar një gjë jo të mirë dhe më ka lënë pasojë në jetën time,”– është shprehur Rozana Radi.