Ish-Miss Shqipëria, Afroviti Goge e ftuar ditën e sotme në “Ftesë në 5”, emisionin e pasdites në Top Channel ka treguar edhe mënyrën e veçantë sesi e kuptoi se ishte shtazënë.
Afroviti Goge tashmë është në muajin e shtatë të shtatzënisë, dhe e pyetur nga Bieta sesi u ndje kur mësoi lajmin e bukur, ish-modelja ka zbuluar se lajmi i shtatzënisë lidhet ngushtë me ëndërrën që ajo kishte parë 10 ditë para se të bënte testin e shtatzënisë.
“Momentin kur e mora vesh kam qenë vetëm me mamin tim. Ka qenë ora 12 e natës. Në fakt kisha një ndjesi, sepse kisha parë një ëndërr 10 ditë para se të bëja testin e shtazënisë. Kisha parë një ëndërr sikur nga kërthiza ime dilte një lule lotusi dhe jam zgjuar nga ëndrra më barkun e mpirë”- u shpreh Goge.
Teska është në pritjen e ëmbël, ish-Missi ka zbuluar se gjinia e fëmijës është i seksit mashkull.
