Blogerja simpatike Armina Melvani është gjithnjë në formën e saj më të mirë. Bukuroshja është shumë aktive në rrjetet sociale dhe nuk nguron të ndajë postime nga gjithë dita e saj.

 

Së fundmi Armina ka qenë e pranishme në javën e modës në Paris, nga ku ka shkëlqyer me dukjen e saj dhe ka tërhequr goxha vëmendje. Ajo që na ka habitur nga ky eveniment i sfilatës ‘VivienneWestWood’ , është fakti se Armina ka zbuluar planet e saj të afërta për një dasmë me partnerin Shkëlzen Berisha.

 

Përmes një postimi në instastory, blogerja na tregon se si do të duket ajo nuse. “Si do dukem unë nuse”,-ka shkruar Mevlani dhe në sfond duket modelja e famshme Bella Hadid, e cila shihet e veshur me një fustan të bardhë nusërie shumë ekstravagant.

 

Nuk do të guxonin të gjithë me këtë zgjedhje në ditën më të bukur të jetës, megjithatë Armina nuk do të jetë aspak një nuse tradicionale me shijet që ka.