Sali Berisha deklaron se opozita nuk mund të bëj asnjë hap të vetëm për marrëveshje me Partinë Socialiste.
I ftuar në emisionin Opinion, Berisha theksoi se opozita ka një rrugë të vetme: largimin e PS nga pushteti me vullnetin e shqiptarëve. “Një koalicion i tillë do të jetë një goditje për sistemin shqiptar, sepse smund ta quajmë më demokratik, për të varrosur përfundimisht sistemin shqiptar.
Një koalicion i tillë do të shuante cdo shprese të shqiptarët për të rimarrë rrugën e ligjit, e standarteve. Standartet këtu kanë marrë fund, por problemi është se ka dhe më keq se nëse do bëhej një koalicion do përjetohej kilikosja e këtij sistemi narkoshteti.
Opozita nuk mund të bëj asnjë hap të vetëm duke patur PS, si parti që krijoi këtë situatë, në qeveri. Ajo ka vetëm një rrugë: largimin e PS me vullnetin e shqiptarëve”, tha ish-kryeministri Sali Berisha. Kjo deklaratë e Berishës vjen në një kohë kur zërat për një marrëveshje mes mazhorancës dhe opozitës janë të shumtë.