Ylli i futbollit Kristiano Ronaldo është një prej futbollistëve më të dashur nga mijëra fansa në të gjithë botën.
Teksa 34-vjeçari ka qenë duke luajtur në ndeshjen kundër Lituanisë, ku realizoi 4 gola, është parë që gjatë momentit të zëvendësimit një tifoz ka këmbëngulur ta takoj me patjetër idhullin.
Në kohën që Ronaldo po largohej nga fusha, tifozi i është afruar dhe ka shkelur në fushën jeshile për të takuar dhe shkrepur një foto me yllin portugez.
I riu ka vrapuar në drejtim të Ronaldos madje dhe i është gjunjëzuar atij, por futbollisti i cili ka treguar gjithmonë se ka një zemër të madhe, ka bërë gjestin emocionues.
Ai nuk ka lejuar që tifozi i tij i flaktë të ulet në gjunjë, e ka ngritur në këmbë e ka shoqëruar në dalje të fushës dhe në fund ka lejuar që të shkrepë edhe një selfie me të.
