Sokol Ballës i pëlqejnë shumë udhëtimet, këtë e kishim kuptuar jo vetëm nga fotografitë e videot e e ndryshme në Instagram, por edhe nga intervista e dhënë para disa muajsh. Por ndërkohë që gazetari i njohur na njeh me disa prej destinacioneve më ekzotike e përrallore në botë, ekziston diçka që e mban veç për vete: jeta e tij personale.
Pak kohë më parë ai na habiti të gjithëve me një dedikim emocionues për të birin 14 vjeçar, por ja që përveç dy fëmijëve, një tjetër dashuri e madhe në jetën e Sokolit është mamaja e tij.
Ditën e djeshme ajo ka festuar ditëlindjen, dhe gazetari i njohur nuk ia ka kursyer fjalët e ëmbla, që tregojnë edhe sakrificat e saj.
“Secili sot ka Nënë Terezën e vet. Nëna ime sot ka ditëlindjen e 68-të dhe 1000 herë më shumë aq, harroj sakrificat e saj fizike dhe mendore për të rritur një njeri si unë, duke ndenjur një zonjë fisnike, pavarësisht aty ku jeta e hodhi shpesh, me pa të drejtë.
Pengesë ndaj çdo rreziku fizik, roje deri në 4 të mëngjesit me darkën e natës së fundit, njeriu i parë dhe i fundit që merr në telefon, shkruan mesazh, të puth e përkëdhel. I pari që mbaj mend pranë meje, në momente të vështira, i fundit ndoshta që do kujtoj kur të fillojë gjumi i gjatë. Të dua shumë mami! U bëfsh 100 vjeç!”, shkruan Balla.