Prej 11 vitesh, moderatorja e njohur sportive, Ilda Bejleri, na ka shoqëruar në ekranin e “Digitalb” dhe është kthyer në një ndër figurat kryesore të këtij televizioni. Mirëpo, burime për “Newsport” kanë treguar se pas 11 vitesh, Ilda po mendon largimin nga “Digitalb” dhe arsyeja për këtë është një debat me Dritan Shakohoxhën, për shkak të protagonizmit të të dyve në “Supersport”.

 

Megjithëse teksa ishin të ftuar në “E diell” nuk u vu re tensioni mes tyre, burime pranë dyshes kanë treguar se jashtë kamerave çështja është e agravuar. Ende nuk dihet arsyeja e debatit mes Ildës dhe Shakohoxhës, megjithatë burimet tregojnë se prej kohësh Ilda ka diskutuar me mikeshat e saj largimin nga “Digitalb”, për shkak të debatit me komentatorin e njohur.

 

Sipas “Newsport”, pritet vetëm që ky vendim të bëhet zyrtar, pasi palët e kanë mbyllur bashkëpunimin.