Disa muaj më parë Shqipëria u përfshi nga protesta të fuqishme studentore.

Kryeministri Edi Rama, i vënë në vështirësi nga studentët, u tha atyre se do të vinte në zbatim paktin për Universitetin, i cili do të përmbyllte kërkesat brenda 6 muajve.

Mirëpo rezultatet tregojnë të kundërtën, pasi 6 nga 9 kërkesa të studentëve nuk janë plotësuar ende.

Sipas bilancit të bërë nga Qëndresa Qytetare, për muajt prill-maj-qershor, të vetmet kërkesa të plotësuara janë tarifat e bursat, restaurimi i konvikteve dhe portali i transparencës. Kërkesat e tjera janë lënë në hije nga qeveria.

Edhe pse gjatë valës së protestave, Rama përulej para studentëve dhe u premtoi zgjdhjen e çdo problemi, tashmë që çështja është ftohur, kuptohet se premtimet e tij ishin sa për të shpëtuar nga situata.