Pronarët e qenve puthin më shumë miqtë e tyre me katër putra sesa partnerët. Të paktën në këtë përfundim ka dalë një studim i fundit. Studimi është kryer nga Riley’s Organics, për PEOPLE.com, të cilët donin që të zbulonin se sa të afërt janë pronarët me kafshët e tyre shtëpiake.
Për ta realizuar këtë, u pyetën njerëz rreth e rrotull SHBA-ve se sa shumë dashuri u dhurojnë miqve të tyre me gëzof. Sipas rezultateve, 52% e të pyeturve pranojnë se i puthin qentë më shumë se partnerët.
Dhe, jo vetëm kaq, 52 për qind e tyre thanë gjithashtu se preferojnë që të flenë në krevat me qenin në vend të partnerit. Gjithashtu, 95% e personave të pyetur pranuan se qenin e konsiderojnë si mikun e tyre më të mirë.