Ish-deputetja e PD, Grida Duma ka shkuar sot në Shkodër, për të mbështetur kolegun e saj demokrat, Bardh Spahia, i cili pritet të njihet sot me masën e sigurisë në gjykatë.

Duma tha për News24 se janë në pritje për të hyrë në sallën e gjyqit.

“Ish-deputeti u kërcënua live në televizor ‘Po ta mbajti dil’ iu tha Bardh Spahisë” u shpreh ish-deputetja e PD.

“Ajo që duhet të jetë e qartë për sa kohë gjithçka është legjitime, bashkia administron asetet e veta nuk është protestë. Kryeministri që e la vendin pa Gjykatë Kushtetuese të mbajë kosto.

Sot bashkitë janë në përgjegjësi të plotë për të mbrojtur asetet e tyre. Shqipëria nuk është kuti kartoni dhe murin e ka shembur nga ky qytet.

Protesta e djeshme, një nga gjërat e mrekullueshme që ndodhi, nuk ishte pjesë e kurthit të maxhorancës. Në këtë vend bëhen ligjet dhe jo letrat”, u shpreh Duma.