Analisti Dritan Hila thotë se ka shumë pak mundësi që kryeministri Edi Rama të pranojë kërkesën e opozitës për t’u dorëhequr nga posti. Gjatë intervistës në ‘Ora News’, Hila tha se në Shqipëri tërheqja konsiderohet si humbje, ndaj edhe Rama nuk do të pranojë të dorëhiqet.

“Nëse Edi Rama tërhiqet, atëherë do të pranojë humbjen. Nuk mendoj se do e pranojë kërkesën e opozitës. Në Shqipëri, tërheqja konceptohet si humbje dhe Edi Rama nuk do e pranojë”, tha Hila.

Gjithsesi, sipas analistit, Partia Demokratike ka arritur të rimarrë veten pas humbjes në 2017-ën dhe sondazhet e tregojnë diçka të tillë.