Ish-banori i Big Brother, Valer Kolnikaj ishte i ftuar mbrëmjen e djeshme në emisionin “Xing me Ermalin”. E teksa po zhvillohej një bashkëbisedim tejet pikant dhe pa filtra midis tij dhe moderatorit Ermal Mamaqi, një surprizë e mbrëmjes mund të konsiderohej pa frikë edhe ardhja në skenë e bashkëshortes së tij, Madalena. Kjo e fundit, e cila ishte kompletësisht e kundërta e Valerit, u vendos në siklet dhe u revoltua kur Mamaqi e pyeti sesi i dukej i shoqi në shtrat.

“Të vazhdoj unë, si keni mbaruar akoma bisedat. Në qoftë se s’keni mbaruar unë vazhdoj dhe…ju lë”- u shpreh Madalena. Mirëpo, Ermali nuk ngurroi t’i kthehej me humor. “Mos ik të lutem, mos ik, nëqoftëse nuk i përgjigjeni kësaj pyetjeje do na detyroni ta provojmë vetë”– iu drejtua ai teksa Valeri, ndryshe nga e shoqja, u shkri së qeshuri nga batutat e hedhura.