Kryetari i Partisë Demokratike, Lulzim Basha u shpreh se beteja e tij nuk është për të ardhur në pushtet, por për ta bërë Shqipërinë një vend evropian, ku organizohen zgjedhje të lira dhe ndershme.

Për ndërkombëtarët, ai deklaroi se ka refuzuar disa kërkesa të tyre për të hyrë në zgjedhje pasi në këtë mënyrë vendi do kalonte në kriza ciklike.

“Ky sistem i kalbur nuk duhet të qëndroj pasi kriza do të përsërite. Kam refuzuar kërkesën e disa miqve për të hyrë në zgjedhje në këtë situatë, pavarësisht se sondazhet na nxjerrin fitues. Propozimet tona i bëjnë nder vendit. Nuk do pranojnë të hyjmë në zgjedhje në këto kushte”, deklaroi Basha, qe shtoi se ka ardhur koha qe politika te ndahet nga krimi.