Konferenca e sotme për shtyp e Loredanës pas akuzës së rëndë për zhvatjen e 900 mijë frangave zvicerane, duket se nuk e ndihmoi imazhin publik të reperes.
Pas lajmit që bëri bujë për arrestimin në Zvicër, reperja Loredana Zefi gjatë ditës së sotme ka dalë në konferencë për shtyp.
Bashkëshorti i saj Gramoz Aliu i njohur si ‘Mozzik’, po ashtu dhe Loredana kane kritikuar mediat për qasjen ndaj këtij rasti. Mozzik ka thënë se mediat janë munduar t’ia njollosin moralin atij dhe familjes së tij.
Por ndërsa shumë i janë vënë kundër, siç tregojnë komentet në rrjetet sociale, modelja Oriola Marashi vendosi të tregonte publikisht mbështetjen e saj.
Me anë të një postimi në Instastory, modelja publikoi një foto të Loredanës me vajzën e saj. Marashi përdori etiketën #isupportlori (unë mbështes Lorin).
