Kreu i Partisë Demokratike Lulzim Basha thotë se bashkëshortja e dhe dy vajzat e tij jetojnë në Shqipëri, ndryshe nga sa janë shprehur në studio televizive disa kundërshtarë politikë të tij.
Basha tha në emisionin “Tempora” se dy vajzat e tij, 7 dhe 14 vjeçe, vijojnë shkollën në Shqipëri.
“Fëmijët e mi jetojnë këtu, ata që thonë se ka familjen në Holandë, e dinë shumë mirë se unë kam familjen këtu, vajzat e mija jetojnë këtu dhe shkojnë në shkollë këtu.
7 është e vogla dhe 14 e madhja. Ka media kombëtare të cilat nuk kanë mision tjetër veç se të pasurojnë pronarët e tyre, dhe këto media do japin llogari si gjithë të tjerët”, u shpreh ai.
