Aktori Rezart Veleshnja duket se nuk ka hequr dorë nga dëshira për t’u martuar me moderatoren Ori Nebiaj.
Pas disa postimeve të vazhdueshme në rrjetin social “Instagram”, Veleshnja i ka propozuar me humor Nebiajt edhe në puntatën e djeshme të emisionit “Wake Up”.
Drejt përfundimit të bashkëbisedimit të tyre lidhur kryesisht me imitimin që aktori i ka bërë së fundmi zëvendës kryeministrit Erion Braçe,
Veleshnja i është drejtuar: “Meqenëse ra fjala, moj ti vajzë kur do martohemi bashkë?” Ori, e cila ka vijuar t’i qëndrojë shakasë, iu përgjigj: “Me Erionin apo me Rezartin?”
“Me mua moj, çfarë Erioni…Ori, seriozisht, jemi “live” dhe po ta them këtu. Të lutem, kur do martohemi bashkë?”, iu kthye ai. “E kupton që është vajza e ëndrrave të mia. E ka një çun tjetër,
por që çfarë rëndësie ka kjo”, i është drejtuar Veleshnja më pas moderatorit Isli Islami, i cili prezanton sëbashku me Orin emisionin”Wake Up”.
