Kryebashkiakja e Shkodrës Voltana Ademi ka folur për herë të parë për mundësinë e rikandidimit të saj në zgjedhjet e 30 qershorit, në kohën kur PD ka dalë në rrugë dhe ka djegur mandatin parlamentar.

Në emisionin ‘I Ftuar’ të Endri Xhafos, Ademi është shprehur se ajo do të ndjekë atë çfarë do të vendosë Partia Demokratike dhe formuet e saj.

‘Të gjithë ne kryetarët e bashkive jemi politikë dhe duke qenë të tillë përfaqësojmë partinë. Unë jam e angazhuar herët në politikë. PD dhe unë bashkë me të, ka deklaruar që në zgjedhje vendore nuk mund të kemi me situatën e krijuar. Zgjedhje nuk mund të kemi.

Emrat e kandidatëve për zgjedhjet nuk janë diskutimi i PD. Ne diskutojmë çështje më madhore, përtej datës, përtej gjithçkaje. Ne diskutojmë çështjet e zgjedhjeve që janë prioritare përpara çdo gjëje.

Kriza politike duhet të marrë një zgjidhje. Unë implementoj atë që vendos Partia Demokratike në forumet e saj’, ka thënë ndër të tjera Voltana Ademi.