Bordi i Autoritetit të Mbikëqyrjes Financiare ka marrë një vendim që i hap rrugë zbatimit të sistemi “Bonus-Malus”, i aplikuar me sukses nga shumë vende europiane.
Nga 1 prilli i vitit 2019 nis regjistrimi i aksidenteva, gjë që do i detyrojë drejtuesit e mjeteve të paguaj siguracionin e makinës më shtrenjtë. E kundërta do të ndodhë për ata të cilët nuk shkaktojnë aksidente, siguracioni i tyre do të ulet deri në përgjysmim të tij.
Me këtë nismë të ndërrmarë synohet ndërgjegjësimi i shoqërisë për të parandaluar kështu dhe aksidentet. Udhëzimi i Bordit të AMF-së u miratua si një kërkesë e tregut dhe për të krijuar shumë lehtësi për qytetarët.
Është verifikuar që në vendet ku është në zbatim ky lloj sistemi ka dhënë efekte në uljen e numrit të aksidenteve, mbrojtjen e jetës së qytetarëve dhe garantimin e një çmimi më të drejtë për siguracionet e makinave.
