Shyhretja, nëna e një vajze të quajtur Sidorela, ka prekur mbarë opinion publik me deklaratën e saj në rubrikën “Ka një mesazh për ty” në “E diela shqiptare”.
Sidorela, kohë më parë prezantonte evente, bënte një jetë si gjitha bashkëmoshataret e saj, ishte valltare dhe kishte një jetë tepër aktive, mirëpo pasi u martua, u detyrua të hiqte dorë nga të gjitha ëndrrat, duke i lënë ato përgjysmë.
Jeta i ndryshoi akoma edhe më shumë kur në shtëpinë e bashkëshortit të saj kishte pasur shpërthim tritoli dhe të shtëna armësh. Pas kësaj, Sidorela i dha fund martesës dhe prej asaj kohe ajo është mbyllur në vetvete, nuk ushqehet dhe nuk bën jetën e mëparshme.
Nëna e Sidorelës rrëfeu se në mënyrë që të nxjerrë 22-vjeçaren nga shtëpia, hiqet si e sëmurë: “U them infermiereve: Ju lutem, mos më bëni gjilpërë se kam ardhur vetëm për të nxjerrë vajzën nga shtëpia, nuk kam asgjë!”
