Të gjithë jemi njohur me historinë e djalit nga Shkodra, i cili u mbyt e ndenjti për një kohë të gjatë në gjendje kome.

E ëma e tij apeloi për ndihmë dhe emisioni ‘Shqiptarët për Shqiptarët’ arriti t’ia mbledhë shifrën e kërkuar nga Spitali në Xhenova të Italisë.

Para disa javëve Musai arriti të fliste dhe përshëndeti shqiptarët për ndihmën e pakursyer.

Sot pritet që stafi i emisionit të kthehet nga Italia ku ka kryer një vizite urgjente i ftuar nga Spitali i Xhenovas. Askush nuk jep detaje se pse Spitali i Xhenovas pranoi një vizitë të tillë.

As nga stafi i emisionit nuk zbulon asgjë askush por na thonë të presim emisionin ‘Shqiptarët për Shqiptarët’ që do të shfaqet. Deri atëhere le të shpresojmë dhe të presim ndonjë mrekulli për Musa Baculin.