Një album me fotografi të vitit 1979 ku trumbetohej jeta e realizimit socialist pas 35 vitesh së vendosjes së regjimit komunist, tregohen nëpërmjet fotove dhe mënyra e jetetës së fëmijëve në këtë periudhë.

Që nga materniteti, gjimnastika në shkolla, dalja nëpër parqe me veshjet njësoj, organizimi i spartakiadave nëpër stadiume ku fëmijët perfomonin ushtrimet gjimnastikore e deri tek vizitat në repartet ushtarake ku takoheshin me ushtarët në shërbim.

Jeta socialiste për fëmijët e pas viteteve ’90 duket si një gjë që nuk ka ezkistuar kurrë, por kujtesa e prindërve të tyre mund të ketë nostalgji për këto imazhe. Fëmijët në çdo kohë, në çdo vend e në çdo regjim e përjeton me pastërti dhe kuriozitet fëmijërinë.

Ndaj këto foto bebja.com i quan me rëndësi për kujtesën tonë, duke mos harruar se ai regjim ishte malinj dhe rriti fëmijë që u mungonte liria për të zgjedhur për jetën e tyre, u mungonte informacioni për botën dhe shumë mundësi për shkollim apo dhe të mira materiale që mund ti kishin nëse do të jetonin në një vend demokratik e të hapur me botën.