Mehdin Përgjegjaj i njohur ndryshe si Meda është një ndër këngëtarët më të dashur të publikut shqiptar.
Mbrëmjen e djeshme këngëtari ka mbajtur një koncert në Zvicër, ku ishte edhe reperja Tayna, ndërsa salla ka qenë e tejmbushur.
Për shkak të pjesëmarrësve të shumtë, disa prej fansave kanë humbur ndjenjat.
Në një video të publikuar nga vetë këngëtari shihet Meda që mundohet të shpëtojë një vajzë të cilës i ka rënë të fikët.
Ndërkohë me anë të një postimi në Instastory Meda falenderon të pranishmit dhe lutet që të jenë mirë të gjithë ata që patën probleme me shëndetin.
‘Faleminderit të gjithëve sot që ishit të pranishme në ‘Rinora 4’. Me gjithë respektin dhe duke falenderuar zotin, ishte një ditë me të vërtetë fantastike. Duke qenë se ishte e tejmbushur, ato që patën probleme me shëndetin, i lutem zotit që të jenë në gjendje të mirë’, ka shkruar këngëtari.
