Disa ditë më parë tenori shqiptar i famshëm në botë, Saimir Pirgu, duke komentuar situatën politike në vend, u shpreh se për të rikuperuar dëmin e një gome të djegur do ti duheshin 200 mijë shfaqe.
Nga studio e Arjan Çanit, Basha iu përgjigj Pirgut duke thënë se imazhin e vendit nuk e nxijnë gomat e djegura por ata që shtypin shqiptarët, ndërsa tha se do ta ftonte tenorin për një kafe kur të vijë herën tjetër në Tiranë.
‘Saimir Pirgu nëse vjen në Tiranë do e ftoj për një kafe për t’i thënë që imazhin e vendit nuk e nxinë gomat por ata që i shtypin shqiptarët. Ai përbën një simbol krenarie kombëtare.
E kam takuar edhe kur kam qenë deputet i Elbasanit. Virtyti e lartëson kombin dhe protesta është virtyt’, tha Basha në ‘Zonë e Lirë’.
