Personi që goditi derën e Kryeministrisë në protestën e 16 shkurtit ka qenë i futur nga policia (individi në foton e shkrimit).
Ky është denoncimi që bën një nga anëtarët e kryesisë së Partisë Demokratike, Kreshnik Çollaku. Ai ka thënë që ka informacione konfidenciale nga policia, sipas të cilave individi i veshur me xhup të kuq është polic civil.
Demokratët akuzojnë policinë që ka infiltruar këtë person për të orientuar dhunën drejt Kryeministrisë, në mënyrë që të kishte të drejtën të lëshonte gazin toksik në drejtim të turmës.
Nëse kjo është e vërtetë, kemi të bëjmë me një nga manipulimet më të shpifura që mund të bëjnë organet e rendit, kurse Ministria e Brendshme kthehet në aparat dhune,
e cila i konsideron kundërshtarët politikë në armiq që meritojnë lëndët helmuese luftarake.
Ky skandal duhet hetuar nga Prokuroria (pak shpresë ka) dhe duhet shoqëruar me shkarkimin e
menjëhershëm të ministrit të Brendshëm, Sandër Lleshaj (nuk ka asnjë shpresë).
