Kryetarja e Lëvizjes Socialiste për Integrim, Monika Kryemadhi zhvilloi sot një takim me Komitetin Drejtues të LRI-së së Fierit. Gjatë fjalës së saj në këtë takim Kryemadhi u ndal te protesta studentore, për të cilat tha se kjo protestë nuk është partiake, por është protestë politike, e cila në thelb të saj ka kërkesat ekonomike, sepse çdo shqiptar pa dallim bindjesh politike ka probleme financiare. Kryemadhi tha se të gjithë shqiptarët duhet të protestojnë së bashku me studentët,

pasi Shqipëria ka nevojë për një qeveri e cila u shërben qyetarëve të saj dhe nuk i vjedh ata. Kryetarja e LSI-së tha se do të mjaftonte vetëm vlera e koncesionit që qeveria miratoi në heshtje në natën e 31 dhjetorit, për të përgjysmuar tarifat e studentëve.

“Ka ardhur koha për të protestuar për një jetë më të mirë, duhet të protestojmë për një qeveri , e cila ju shërben qytetarëve të saj dhe jo një qeveri që i vjedh qytetarët ë saj. Duhet të protestojmë për 8 kërkesat e studentëve sepse qeveria ose ministrat që ikën, dolën dhe folën për koncesionet që kanë firmosur ditën që i ka shkarkuar Edi Rama, por asnjëri nuk foli për 8 kërkesat e studentëve.

8 kërkesat e studentëve janë shumë të thjeshta, vetëm me 31 Dhjetor, Damian Gjiknuri ka dhënë 58 milion euro koncesion për TEC-in e Vlorës dhe nuk i kushtonte asnjë gjë Edi Ramës mos t’i jepte këto për TEC-in e Vlorës për koncesione. Por le t’ia jepte studentëve dhe u mbyllte kërkesa e parë, ajo që është përgjysmimi i tarifave të studentëve”, tha Kryetarja e LSI-së, Monika Kryemadhi.

Fjala e plotë e Kryemadhit në takimin me strukturat drejtuese të LSI:

Fjala e plotë e Kryemadhit

Ne dje e filluam takimin me drejtuesit e strukturave të LRI në gjimnazet e Tiranës, por sot jemi me strukturat drejtuese të LRI-së së Fierit, ku kemi gjimnazistët edhe studentët, por edhe përfaqësues të rajoneve.Por edhe përfaqësues të rajoneve,

ndoshta mund të ishte edhe më i gjerë si takim, por duke menduar që nuk ka më kohë për të humbur për të mbledhur njerëz nëpër salla, është e vetmja mënyrë që ne tashmë si struktura, jo vetëm të rinisë, por edhe të LSI-së duhet të fillojmë kontaktin njerëzor, të përditshëm dhe të shpeshtë me të gjithë qytetarët. Ju si LRI e Fierit, ku në fakt keni një punë goxha të madhe për të bërë, sepse Bashkia e Fierit

është një nga Bashkitë më të mëdha, që vjen pas Bashkisë së Tiranës dhe së bashku me Durrësin dhe Elbasanin janë katër bashkitë më të mëdha. LSI ka peshën e saj në Bashkinë e Fierit, por duke qenë të angazhuar edhe për fushatën e zgjedhjeve lokale, por njëkohësisht duke qenë të angazhuar edhe për problematikat që ka Bashkia e

Fierit, sot në këtë kohë që ne jemi këtu, ka filluar protesta e naftëtarëve. Naftëtarët vazhdojnë dhe protestojnë përpara institucioneve prej të cilave presin tu realizohen të drejtat e tyre për statusin e naftëtarit. Pjesa më e madhe e juaja këtu, keni nga një naftëtar në familjen tuaj. Harresa që qeveria i ka bërë qytetarëve të saj është jashtëzakonisht e madhe. Mendimi ynë është që nuk është më koha për të bërë rolin e intelektualit dhe rolin e kritizerit, thjesht duke vëzhguar apo duke kritikuar apo duke konstatuar probleme, por tashmë ne duhet të marrim në dorë fatet tona për të zgjidhur problemet në të cilat kalon Shqipëria.

Bashkia e Fierit është një nga bashkitë më të pasura në Shqipëri, sepse ka një pasuri natyrore të jashtëzakonshme. Shqipëria është një nga vendet që ka çmimin e naftës më të lartë, e ka çmimin më të lartë të naftës edhe se Kosova, edhe se Maqedonia, edhe se Mali i Zi, ku këto shtete nuk prodhojnë asnjë litër naftë, ndërsa ne prodhojmë me miliona litra naftë dhe prapë çmimi i naftës është shumë i shtrenjtë.

Ndërkohë në anën tjetër kemi taksa shumë të larta. Ndërkohë në anën tjetër kemi largimin e të rinjve. Ju vetë jeni koshientë, dhe e dini se sa shokë tuaj kanë ikur nga Shqipëria në emigracion për të mos u kthyer, edhe pa mbaruar studimet apo sapo kanë mbaruar shkollën e mesme. Ndërkohë nga ana tjetër, shikojmë se si në familje të varfra apo edhe në familje të mesme, çdo ditë e më shumë paratë e tyre pakësohen, sepse janë rritur taksat, janë rritur taksat lokale, është rritur çmimi i ujit, janë rritur taksat e mjedisit, taksat e rrugëve etj etj dhe ndërkohë pagat nuk janë rritur fare, ndërsa ekonomia nuk po zhvillohet.

Po të shikosh dhe të dalësh në rrugët e Fierit do të shikosh që qepena të tëra dyqanesh janë të ulura, shikojnë biznese të mbyllura dhe të falimentuara për shkak të taksave shumë të larta dhe për shkak të mos lëvizjes së ekonomisë. Dëgjonim dje ministrin e Financave, i cili bënte dje një paradë të arritjeve dhe të sukseseve të tij.

Në fakt me thënë të drejtën parada kishte vetëm një element, që në këto vite ekonomia shqiptare ka pasuruar vetëm disa persona dhe ka varfëruar 98% të shqiptarëve. Vetëm 2% e shqiptarëve janë pasuruar, ku janë klientët e Edi Ramës, ministrat e Edi Ramës dhe për të shpëtuar fytyrën e vetë rrëzoi qeverinë e tij të re që ishte pa tepsi dhe pa kazan, dhe ngriti një qeveri tjetër që është qeveri UFO-sh, që nuk kanë asnjë lloj identiteti apo përfaqësie se çfarë do të na sjellin apo do të përfaqësojnë në vendin tonë.

Ajo që është shumë e rëndësishme, e tha edhe Ergi pak më përpara, si student i masterit që është, këtu kemi dhe Francin dhe shumë të tjerë të cilët janë studentë në Tiranë, kanë qenë pjesë kryesore e Lëvizjes Studentore, pa flamurin e LSI-së. E them këtë sepse protesta studentore nuk është protestë partiake. Është protestë politike, e cila në thelb të saj ka kërkesat ekonomike, sepse çdo shqiptar pa dallim bindjesh politike ka probleme financiare. Si socialisti, si demokrati,

apo si lsi-sti tarifën në universitetin shtetëror e paguajnë njëlloj, ndërkohë në Kushtetutë të Republikës së Shqipërisë ne e kemi të shkruajtur Arsimin Falas. Vetëm në Shqipëri ndodhin çudira nga më të ndryshmet, sepse kemi një kryeministër, i cili është jo vetëm peng i krimit të organizuar dhe i trafikut, por kemi dhe një kryeministër i cili është dhe peng i sëmundjes së tij mendore. Por ne nuk mund të vazhdojmë më të ngelemi në dorë të një të çmenduri që çdo ditë e më shumë djeg dhe shkatërron vendin, por mbi të gjitha djeg dhe shkatërron shpresat e të rinjve shqiptarë. Shikojmë se si flitet për rritjen ekonomike dhe ku rritja

ekonomike për hir të së vërtetës nuk ka ardhur si rezultat i zhvillimit të ekonomisë. Ju e dini shumë mirë që rritja ekonomike është e lidhur shumë me hapjen e vendeve të punës. Pra nëse do të kishim një kryeministër të vërtet, një kryeministër që nuk do të gënjente për këtë lloj rritje ekonomike që ka 4.5% të jeni të bindur që as 40.000 vende pune nuk janë hapur. Që të hapeshin 265.000 vende pune që thotë kryeministri, i binte që rritja ekonomike në Shqipëri të ishte mbi 10%, pra të ishte të paktën me dyshifra. Pra mashtrimet e rradhës, të cilat kërkojnë të mbulojnë zullumin që ka futur Shqipërinë, nuk po na krijojnë gjë tjetër,

nuk po na lë rrugë tjetër, na ka krijuar mundësinë e vetme që është protesta. Këtu përveçse keni përfaqësues nga gjimnazet e Fierit, të cilat ne i dimë shumë mirë problematikat që kanë gjimnazistët, sepse edhe dje e diskutuam me gjimnazistët e Tiranës, të njëjtën histori e kanë kudo. Kur e ka Tirana problem çështjen e portofolit apo çështjen e provimeve apo të pyetjeve me gojë, mendoni sesi mund të jetë

hartimi i portofolit, pra projektet, sesa të kushtueshme mund të jenë për studentët apo për gjimnazistët në Fier, apo për edhe për në komuna të tjera kur mundësitë ekonomike janë shumë të pakta, qoftë për pagesën e internetit, qoftë për printimet e projekteve e të tjera kështu me radhë. Për të mos folur më tutje për shumë e shumë shpenzime të tjera që ka sot arsimi.

Ndërkohë ajo që dua të them dhe çka është shumë e rëndësishme është fillimi i një strukture komplet organizative të Lëvizjes Rinore për Integrim, e cila do të jetë e korporuar bashkë me strukturat e Lëvizjes Socialiste për Integrim dhe me Lëvizjen e Gruas për Integrim.

Tashmë detyra juaj ka qenë thjesht në aspektin e evidentimit të problematikave, funksionimit, pjesë mbështetëse të Lëvizjes Socialiste për Integrim, por unë mendoj që LRI-ja në Bashkinë e Fierit duhet të jetë një nga promotorët e Lëvizjes dhe e fushatës së LSI-së. Jo vetëm në aspektin e zgjedhjeve dhe të fushatave elektorale, por tashmë duhet të jetë edhe si një promotor i ristrukturimit të gjitha strukturave të LSI-së.

Bashkia e Fierit ka 9 njësi administrative ku ne si LRI duhet t’i mbulojmë siç kemi Komitetin Drejtues këtu sot për qytetin, pra ne duhet t’i ngremë në të 9 njësitë administrative ku jam e bindur ku të gjitha njësitë administrative kanë nga një gjimnaz, ku është një nga detyrat tona kryesore për

konsolidimin sepse kemi përfaqësues në çdo gjimnaz sepse na duhet ta konsolidojmë strukturën, ta zgjerojmë më tutje dhe të punojmë me ta. Dhe jo vetëm me anëtarë dhe simpatizantë të LSI-së dhe të LRI-së, por edhe me shumë anëtarë të tjerë, qofshin këta të FRESSH, të FRPD, në mënyrë të tillë për t’i sensibilizuar ajo që mendoj unë që është shumë e rëndësishme është sensibilizimi, është sensibilizimi dhe zgjimi i ndjenjës se protestës.

Unë jam e bindur që socialistët janë më të zemëruar se demokratët apo se anëtarët e partisë sonë. Pse janë më të zemëruar? Janë të zemëruar se e kanë ndjerë veten të shfrytëzuar, të përdorur, të konsumuar dhe në fund të ditës janë njerëz që janë që janë më pak të shpërblyer nga pushteti i tepsisë së Edi Ramës.

Ju e dini vetë shumë mirë dhe e ndjeni këtu në Fier sesi socialistët për të shkuar dhe për të mbaruar një punë Bashkinë e Fierit nuk e mbarojnë dot sepse ne e dimë të gjithë dhe e thotë i gjithë Fieri që Kryetari i Bashkisë së Fierit nuk është Kryetari, por është gruaja e Kryetarit, e thonë fierakët vetë. Ju e dini shumë mirë që për të shkuar në Fier dhe për të zgjidh një problem kur në 27 vitet e tranzicionit Bashkia Fierit edhe pse është drejtuar

historikisht nga Partia Socialiste nuk kishte diferenca midis socialistëve dhe demokratëve për të zhvilluar biznese, për të zhvilluar ndërtimet, apo për tu bërë pjesë e zhvillimit të projekteve të zhvillimit të qytetit, por fierakët pa dallim bindjesh edhe feje, kishin mundësi për të zhvilluar qytetet dhe ka qenë një nga qytetet më të pasura dhe kishte një lëvizje të ekonomisë më shumë se Bashkitë e tjera, qoftë Bashkia e Durrësit që kishte portin e Durrësit apo Bashkia e Tiranës që ishte kryeqyteti.

Pra, fierakët janë ata që e ndjenë më shumë nga të gjithë kapjen e institucioneve dhe drejtorive të Fierit nga elementë të cilat nuk kanë lidhje fare me Partinë Socialiste. Po të njëjtën gjë kemi edhe për Albpetrolin, ju e dini shumë mirë se çfarë ka ndodhur me Albpetrolin dhe ju e dini shumë mirë seç ndodh aktualisht me Albpetrolin, me drejtorët e

Albpetrolit, me njerëzit që punësohen tek Albpetroli duke paguar para, ose si militantë politik që përdoren vetëm në fushata elektorale dhe pas fushatave elektorale hidhen në rrugë, ju e dini shumë mirë seç ka ndodhur me naftëtarët dhe si janë përdorur ata edhe kështu me radhë.

Nuk po hyj më fare në sistemin arsimor, kur mësuesit janë kthyer në kamikazë politik që për hir të së vërtetës, kur i dëgjojmë se si flasin për Vetting-un e gjyqtarëve apo Vetting-un e pedagogëve, ne duhet të shtojmë edhe një kërkesë tjetër Vettingun e mësuesve nëpër gjimnaze,

Vetting-un e mësuesve për ti parë se si këta mësues jo vetëm zhvillojnë orën e mësimit, se si këta kanë metodën e pedagogjisë dhe mësimdhënies, por nga ana tjetër se si këta njerëz dhe mësues për arsye politike janë emëruar në vendet e punës dhe ndërkohë në anën tjetër në shërbim të sektit që i ka emëruar, ata ushtrojnë edhe dhunën ndaj tyre.

Ne mund të zgjatemi pafundësisht për të folur, por ajo që unë mendoj se është shumë e rëndësishme sot nga ky takim ne duhet të bëjmë axhendën e punës, për të vazhduar dhe për të ecur hap pas hapi, ndërkohë pas takimit ne do të qëndrojmë me studentët e Fierit pak mënjane për tu rakorduar për angazhimin e ditë së hënë dhe ndërkohë për të pasur pikat tona të kontakteve me të gjithë rrethet e tjera siç është

Gjirokastra apo Korça, ku dhe në Korçë kemi zhvilluar takim me strukturat e LRI-së me studentët, në mënyrë të tillë që të funksionojnë për studentët në Universitetin e Korçës apo studentët që janë nga Korça në Universitetin e Tiranës apo edhe në Universitet tjera.

Është shumë e rëndësishme që sot secili nga ju të zgjojë antenat e lidhjeve të kontakteve, ku i kemi dhe ku nuk i kemi gjithë njerëzit tanë, farefis, shoqëri, miqësi, për ti angazhuar, për ti futur në skemën e protestës sepse ka ardhur koha për të protestuar, nuk ka ardhur koha për të protestuar për parti politike, ka ardhur koha për të protestuar për një jetë më të mirë, duhet të protestojmë për një qeveri , e cila ju shërben qytetarëve të saj dhe jo një qeveri që i vjedh qytetarët ë saj.

Duhet të protestojmë për 8 kërkesat e studentëve sepse qeveria ose ministrat që ikën, dolën dhe folën për koncesionet që kanë firmosur ditën që i ka shkarkuar Edi Rama, por asnjëri nuk foli për 8 kërkesat e studentëve.

8 kërkesat e studentëve janë shumë të thjeshta, vetëm me 31 Dhjetor, Damian Gjiknuri ka dhënë 58 milion euro koncesion për TEC-in e Vlorës dhe nuk i kushtonte asnjë gjë Edi Ramës mos t’i jepte këto për TEC-in e Vlorës për koncesione.

Por le t’ia jepte studentëve dhe u mbyllte kërkesa e parë, ajo që është përgjysmimi i tarifave të studentëve. Nuk kanë nevojë që të bëjë fashat Edi Rama që të vlerësojë kush është student i ekselencës apo kush është ngelësi, kush është kaluesi, kush është i bukuri, kush është i shëmtuari. Nuk e ka vlerësuar njeri Edi Ramës as për të bukur, as për të shëmtuar, as për trendi as për këto.

Nuk është marr njeri me Edi Ramës. Se do fillojnë të merremi dhe ne pastaj me Edi Ramën, me të gjitha çfarë ka bërë Edi Rama, si sillet Edi Rama, çfarë bën, me çfarë merret e tjerë. Pra ka mënyra pa fund për të zgjidhur hallet dhe 8 kërkesat e studentëve që janë shumë të thjeshta, kërkojnë vetëm një vullnet politik dhe dëshirë. Nëse në jemi peng i një kryeministri të çmendur, kjo nuk do të thotë që të lëmë të gjithë institucionet e shtetit shqiptar, gjithë të ardhmen e Shqipërisë në dorën e një të çmenduri, do ta rrëzojmë me qetësi, pa qetësi, me dashuri, pa dashuri, me angazhim, me protesta, pa protesta, por në dorë të këtij njeriu të çmendur nuk do ta lëmë vendin.

Por, në krye të kësaj lëvizjeje duhet ta kuptoni që është rinia, rinia ka bërë ndryshimet në Shqipëri, rinia ka sjellë ndryshimet në Shqipëri, rinia e ka sjellë këtë vend përpara, rinia i ka sjellë shanset dhe mundësitë këtij populli.

Prandaj, edhe ne sot në Fier dhe në rrethe të tjera nuk do të ndalemi, por edhe ju që nga ky moment, nxirrni telefonat, hapni listën e njerëzve dhe miqve që keni në mënyrë të tillë që të arrijmë në një pikë të fortë, atë pikë që është solidariteti që e ka karakterizuar gjithmonë LRI-në. Faleminderit

360grade.al