“Trojet Arbnore” është dokumentari i shfaqur në mjediset e hotel Colosseo për atë që dikur ishte principatë, zona e Pultit e cila sot është një njësi administrative e bashkisë Shkodër.
Ky dokumentar u organizua në bashkëpunim të shoqatës Spani dhe shoqatës Treva. Gjatë aktivitetit u propozua që Pulti për vlerat që mbart të shpallet monument kulture i mbrojtur nga shteti.
Pulti është një krahinë historike e cila ka dhënë një kontribut të shquar u shprehën organizatorët.
Pas fjalimeve të rastit në sallën e Hotel Colosseo u shfaq dokumentari i përgatitur duke sjellë fakte historike dhe kulturore të burrave, grave dhe familjeve me histori mijëravjeçare.
