Teksa dy vendet fqinje, Shqipëria dhe Greqia, kanë acaruar së tepërmi marrëdhëniet, për shkak të disa vra.sjeve të njëpasnjëshme, deputetja greke ka shpërthyer me tone të forta ndaj politikanëve të vendit të saj, të cilët po përpiqen të përhapin sa më shumë urrejtjen.

Ka qenë deputetja e SYRIZA në Korfuz, Fotini Vaki, që ka bërë një deklaratë të fortë dhe të papritur, duke iu kërkuar qytetarëve dhe politikanëve të saj të ndalin gjuhën e urrejtjes dhe të mos bëjnë më viktima racizmi.

“Sa imigrantë të tjerë do të vajtojmë si vi.tima të racizmit që fillon nga “pastërtia e racës greke”? Sa ‘tregti e patriotizmit’ nevojitet ende, që pasardhësit ideologjike të kryqit nazist (Svastik) që dërmoi vendin, të armatosin një dorë për të vr.arë një viktimë të pafajshme?

Për sa slogane si ‘demokracia tradhtoi Maqedoninë’, për sa helm nacionalist për studentët, për sa përdhosje të monumenteve dhe vendeve të kujtesës, për sa klithma të paqarta, për sa linçime të turmave të irrituara, kemi nevojë për të thyer vezën e gjarpërit?

Sa përdhosje të historisë rreth një thike në zemër të të ‘huajit’, të ‘shqiptarit’, të ‘jevgut-shkupianit’ dhe të ‘kundërshtuesve’? Tani ishte radha e Petrit Zifle, “z. Petros”, punëtor shqiptar i tokës. Në Korfuz, ku idetë e iluminizmit, demokracisë dhe të majtës gjenin gjithmonë hapësirë pjellore, nuk ka vend për fashizmin”, ka thënë deputetja.

SYRIZA thekson në një njoftim të fundit se: “Vr.asja brutale në Lefkimmi të Korfuzit të punëtorit 63 vjeçarit Petrit Zifle ishte një kr.im racist nga një anëtar i Agimit të Artë, rast për të cilin duhet të jepet menjëherë drejtësi.

Konfirmohet në mënyrën më tragjike, edhe një herë, se organizata kri.minale mbjell urrejtje, duke armatosur dorën e njerëzve kundër njerëzve.

Ky rast na kujton, megjithatë, përgjegjësinë e të gjithëve ne për të forcuar luftën kundër racizmit dhe nacionalizmit dhe atyre që kultivojnë intolerancën në shoqërinë greke.

Dhe sigurisht dënimi i urrejtjes raciste dhe nacionaliste nuk duhet të bëhet me gjysmë fjalë dhe pas ngjarjeve, por të shoqërohet me luftë të vazhdueshme dhe të përditshme kundër manifestimeve të saj”, thuhet në njoftim.