Kryetarja e Bashkisë Shkodër Voltana Ademi deklaroi ditën e djeshme se 29 nëntori është ditë zie për Shkodrën dhe foli për krimet që u kryen nga komunizmi në këtë qytet.
Por studiuesi Auron Tare nuk është dakord me këtë deklartë të kryebashkiakes së Shkodrës. Tare tha në i në “Open” studiuesi Auron Tare se ashtu se ajo çfarë ndodhi pas 29-nëntorit është temë tjetër dhe si Shkodra kanë vuajtur shumë qytete.
“Çfarë ndodhi pas 29 nëntorit është temë më vete, periudha komuniste duhet analizuar. S’ka rëndësi data mund të jetë 28 29 apo 17. Shkodra është një qytet i ndjeshëm, ama si Shkodra vuajtën edhe shumë të tjerë.
Data nuk ka rëndësi, edhe qytetet e tjera kanë vuajtur. Rëndësi ka ajo që përfaqësohet. Në këtë pikpamje nuk është korrekte deklarata e kryetares të bashkisë. Nuk ka lidhje 29 nëntori me komunizmin. Është një tjetër analizë.
Nuk më shqetëson deklarata, data shënon çlirimin e Shqipërisë.
Në këtë datë ikën trupat gjermane dhe nga vendi kërkonte një datë për të qënë simbol i largimit të trupave gjermane nga Shqipëria” tha Tare. (B.H/Faxweb)
