“Pse njerëzit, të tjerë duan por me të tjerë martohen?”, e pyeti studenti… Mësuesi i jep përgjigjen e jetës!

Një student e pyeti Profesorin e tij, “Pse njerëzit shpesh martohen me një person tjetër nga ai që duan?”

Profesori iu përgjigj: “Për t’iu përgjigjur pyetjes tënde, shko në arën me grurë dhe zgjidh kalliun më të mirë dhe kthehu sërish. Por rregulli është që ti mund të kalosh nëpër arë vetëm një herë dhe nuk mund të kthehesh prapa.”

Studenti shkoi në arën me grurë, shikoi në rreshtin e parë, pa një kalli të madh që i pëlqeu menjëherë, por ai pyeti veten se ndoshta ka ndonjë më të madh më tej. Pastaj ai pa një tjetër më të madh, por përsëri ai mendoi se ndoshta ka një edhe më të madh më tutje.

Më vonë, kur mbaroi më shumë se gjysmën, filloi të kuptonte se kallinjtë nuk ishin aq të mëdhenj sa ata që la në fillim, ai filloi të kuptonte se kishte humbur më të mirin në kërkim të një kalliu më të madh. Përfundimisht ai u kthye tek Profesori duar bosh, sepse thjesht nuk mund t’ia falte vetes që kishte hequr dorë nga kalliu më i mirë dhe ia përshkroi atij atë që ndodhi.

Profesori i tha, “Ti ke vazhduar duke kërkuar për një më të mirë, ndërsa ke lënë të të ikin më të mirat dhe më vonë kur e kuptove se e humbe atë, thjesht nuk mund të ktheheheshe. Ky është një gabim i bërë shpesh nga njerëz që bien në dashuri dhe humbin personin më të mirë që mund të kishin në jetën e tyre”. Studenti iu kthye dhe e pyeti, “A do të thotë kjo, që nuk duhet të biesh në dashuri?”

Profesori u përgjigj: “Jo i dashur, kushdo mund të bie në dashuri nëse gjen një person të përshtatshëm. Por, sapo të biesh në dashuri, nuk duhet ta lësh kurrë atë person për shkak të zemërimit, egos ose krahasimit me të tjerët”.

“Po si mund të përfundojnë duke u martuar me dikë tjetër nga ai që duan?” – pyeti studenti. Profesori tha: “Për t’iu përgjigjur pyetjes tënde, shko në arën me misër dhe zgjidh misrin më të madh dhe kthehu. Por rregulli është i njëjtë si më parë, mund të kalosh nëpër to vetëm një herë dhe nuk mund të kthehesh prapa.” Studenti shkoi në fushën e misrit, këtë herë ai ishte i kujdesshëm që të mos përsëriste gabimin e mëparshëm.

Kur arriti në mes të fushës, ai mori një misër të mesëm me të cilin ndihej i kënaqur dhe u kthye te Profesori. Ai përshkroi se si e bëri zgjedhjen e tij. Profesori i tha atij: “Këtë herë nuk erdhe duar bosh. Ti kërkove për një që është mesatarisht i mirë dhe ke patur besim se është zgjedhja më e mirë që mund të gjeje. Kështu bëhet zgjedhja për martesë”.

Studenti mbeti komplet i hutuar.

Profesori e pyeti: “Çfarë të shqetëson tani?”

Studenti u përgjigj: “Po pyes veten se cila do të ishte më mirë, të martohesh me një person që e do ose të duash personin me të cilin martohesh”. Profesori u përgjigj: “Është një përgjigje shumë e lehtë, thjesht duhet të jesh i gatshëm ta pranosh atë”.

Morali

Jeta është si një shportë frutash. Ose ju duhet të bëni një zgjedhje: të hani frutat që doni ose të jeni të kënaqur me diçka që është e shëndetshme! Zgjidhni me mençuri! Për sa kohë që qëndroni të vërtetë me veten tuaj dhe të ndershëm, ju nuk mund të gaboni me ndonjërën nga këto dy zgjedhje.

Shperndaje ketë postim:

spot_imgspot_img

- PUBLICITET -

Aktualitet

Te tjera
LAJME

Kalaja e Shkodrës, më shumë vizitorë se Butrinti

Viti i fundit rezultoi të jetë një periudhë shumë...

Dy shenjat e horoskopit që do t’i kthejnë gjërat ashtu siç duan ata

Me Hënën te Peshqit dita fillon e qetë dhe...