Në pallatin e sportit “Qazim Dervishi” të Shkodrës ka nisur sot Kampionati Kombëtar i Boksit, eventi më i rëndësishëm i sportit të dorezave në vendin tonë organizuar nga Federata
Shqiptare e Boksit, me pjesëmarrjen e sportistëve më të mirë nga e gjithë Shqipëria.
Një event që nisi sot dhe do të zgjasë për 3 ditë me radhë, ku dhe do të shpallen boksierët kampionë të vitit 2018.
Sot janë zhvilluar 14 duele, të gjitha eliminatore, ku nuk kanë munguar emocionet e rivaliteti, teksa në ring janë ngjitur boksierët më të mirë nga ekipet e Vllaznisë,
Tiranës, Teutës, Flamurtarit, Apolonisë, Kukësit, Besëlidhjes e Rozafës, që kanë dhuruar sfida të bukura.
Turneu do të vijojë edhe nesër me sfidat e tjera eliminatore e ato gjysmëfinale,
ndërsa më 26 shtator do të zhvillohet finalet.
Per t’u veçuar sot jane pese fitoret e boksiereve te Vllaznise, ekip qe duket ne rrugen e duhur per fitimin e titullit te 22-te kampione, megjithate duhet pritur edhe perfundimi i ndeshjeve te dy diteve te tjera per te mesuar kete verdikt.
Kampionati i boksit, rezultatet e ditës së parë
49kg, F.Qekaçi (Vllaznia) – A.Meti (Vllaznia), fiton Meti me tërheqje të rivalit
52kg, V.Guri (Vllaznia) – R.Ftoni (Vllaznia), fiton Guri me tërheqje të rivalit
56kg, S.Kikri (Teuta) – K.Zeneli (Flamurtari), fiton Zeneli me mosparaqitje të rivalit
60kg, A.Murja (Teuta) – O.Halili (Rozafa), fiton Murja me rezultatin 5-0
60kg, K.Bejko (Teuta) – G.Xhameta (Tirana), fiton Xhameta me rezultatin 5-0
60kg, J.Lamaj (Flamurtari) – A.Sktina (Vllaznia), fiton Sktina me rezultatin 5-0
64kg, E.Pajo (Vllaznia) – A.Vraja (Teuta), fiton Vraja me rezultatin 4-1
64kg, I.Sokoli (Tirana) – E.Dukaj (Flamurtari), fiton Sokoli me tërheqje të rivalit
69kg, S.Ymeri (Teuta) – E.Selimaj (Apolonia), fiton Ymeri me rezultatin 4-1
69kg, A.Tokrri (Besëlidhja) – A.Kuqari (Apolonia), fiton Tokrri me rezultatin 3-2
69kg, M.Mema (Teuta) – Xh.Elezi (Vllaznia), fiton Mema me KO
75kg, I.Istrefi (Kukës) – A.Kajoshi (Vllaznia), fiton Kajoshi me rezultatin 5-0
75kg, D.Marku (Teuta) – E.Hysaj (Vllaznia), fiton Marku me tërheqje të rivalit
+91kg, E.Kaçaj (Vllaznia) – T.Dalipaj (Flamurtari), fiton Kaçaj me rezultatin 5-0
